بالىلار بىلەن ياخشى مۇناسىۋەت قۇرۇش چارىلىرى

1.ھۆرمەتلەپ گەپ قىلىش:
كىچىك بالىلارنى كىچىكىدىن تارتىپ ھۆرمەتلەپ گەپ قىلىش. يەنى ئۆزلىرى، سىلى، سىز، قانداق قارايسىز دېگەندەك.

پاراڭلىشىشقا ۋاقىت چىقىرىش:
ئائىلىچە ھەركۈنى كەچلىك تاماق ۋاقتىدا، ياكى خۇپتەن نامازدىن يېنىپلا بىر ئاز ۋاقىت چىقىرىپ پاراڭلىشىش.
كەچۈرۈم سوراش ئېڭىنى يېتىلدۈرۈش:
ئائىلىدە ھەربىر كىشى خاتالاشقاندا بىر-بىرىدىن كەچۈرۈم سوراش ئېڭىنى يېتىلدۈرۈشى لازىم. ئاتا-ئانا بالىلار ھەققىدە خاتالىشىپ قالغاندا كەچۈرۈم سوراپ ئۆگەتسە، بۇ تەربىيە بالىلارنىڭ زېھنىگە سىڭىپ كېتىدۇ.
رۇخسەت سوراش ئېڭىنى يېتىلدۈرۈش:
ئائىلىدىكى ھەربىر كىشى يەنە بىرەيلەننىڭ ياتىقىغا كىرىدىغاندا، رۇخسەت سوراپ كىرىشنى ياكى بىرەيلەننىڭ نەرسىسىنى ئىشلىتىغاندا رۇخسەت سوراشنى ئۆگىتىش لازىم.
ئاتا-ئانىلار بالىلارنى ياخشى كۆرىدىغانلىقىنى ۋە ئۇلارنىڭ كۆز قارچۇغۇسى ئىكەنلىكىنى ھېس قىلدۇرۇش ھەمدە ھەركۈنى بىرقانچە قېتىم قۇچاقلاپ سۆيۈپ تۇرۇش.
بالاغەتكە يەتكەن بالىلارنى ئۇرماسلىق.
بالىلارنىڭ بەزى خۇسۇسىيەتلىرىنى ھۆرمەتلەش.
بالىلارغا مەسئۇلىيەت يۈكلەپ ئۆزىگە بولغان ئىشەنچىسىنى ئاشۇرۇش.
بالىلارنى بىر-بىرىگە ياكى باشقىلارغا سېلىشتۇرماسلىق.
مەسخىرە قىلماسلىق ۋە كەمسىتمەسلىك قاتارلىقلار…