توي قىلغان قىزلار سەمىگە
• تۇرمۇشىڭىزدىكى تەپسىلاتلارنى، مەيلى ئۇ مەسىلىلەر بولسۇن ياكى ئالاھىدە پەيتلەر بولسۇن، باشقىلار بىلەن ھەر دائىم پاراڭلىشىدىغان تېمىغا ئايلاندۇرۇۋالماڭ.
• ئۆيىڭىزدىكى سىرلارنى ياكى ئىختىلاپلارنى زۆرۈر بولمىسا دوستلىرىڭىزغا سۆزلەپ يۈرمەڭ. ئەگەر توغرا كەلسە، پەقەت دانا ۋە ئىشەنچلىك دەپ تونۇلغانلارغىلا ئېيتىڭ.
• كىشىلەر ئالدىدا ئېرىڭىزنىڭ كەمچىلىكلىرىنى بەك ئاشۇرۇپ سۆزلىمەڭ، چۈنكى بۇ ئۇنىڭ ئىززىتىنى چۈشۈرۈپ، زىددىيەتلەرنى كۈچەيتىۋېتىدۇ.
• شۇنداقلا شەخسىي تۇرمۇشىڭىز ۋە رومانتىك كەچۈرمىشلىرىڭىز ھەققىدىمۇ ئاشۇرۇپ سۆزلەپ كەتمەڭ، چۈنكى بەزى شەخسىي ئىشلارنىڭ ئۆي ئىچىدىلا قالغىنى تېخىمۇ گۈزەلدۇر.
بۇ سۆزلەردىكى مەقسەت دوستلىرىڭىز ياكى تۇغقانلىرىڭىز بىلەن بولغان مۇناسىۋەتنى ئۈزۈش ئەمەس، بەلكى ئۆيىڭىزنىڭ ئىناقلىقىنى ساقلاش ۋە خۇسۇسىيىتىڭىزنىڭ چېگراسىنى ھىمايە قىلىشتۇر.
چۈنكى، سىزگە كۈلۈمسىرىگەنلەرنىڭ ھەممىسى سىزنىڭ مەنپەئەتىڭىزنى كۆزلىمەيدۇ، شۇنداقلا ھەر بىر نەسىھەتمۇ سىزنىڭ ئەھۋالىڭىزغا ماس كېلىۋەرمەيدۇ.
ئۆيىڭىزنىڭ سىرلىرىنى ساقلاڭ، كىشىلەرگە ياخشى گۇماندا بولۇڭ، ئەمما ئائىلىڭىزنىڭ شەخسىي ئىشلىرىنى ھەممە ئادەم بىلىدىغان ئاشكارا ئىشقا ئايلاندۇرۇپ قويماڭ.
چۈنكى ئائىلە مېھىر-مۇھەببەت ۋە ئىشەنچ ئۈستىگە قۇرۇلىدۇ، ئەقىل-پاراسەت ۋە سىر ساقلاش بىلەن قوغدىلىدۇ.
ئابدۇراھمان جامال كاشىغەرىي
About The Author
